الأحد، 16 نوفمبر 2014

طرائف الطبخات الشامية


طرائف الطبخات الشامية


المألوبة أكلة شامية مشهورة
كان ياما كان في سابئ العهد والأوان انون لما طبخو المجدرة لأول مرة حطو العدس مع الرز وطبخوه ولما استوى كان بيشبه وش البنت البيضا يلي صابها الجدري، ولها السبب سموها مجدرة يعني (مصابة بالجدري).


المجدرة
ومن الأصص الحلوة كمان كان في ست وجد دوم متخاصمين وعلى طول بتخانأو، ومرة من المرات كانت الحفيدة عم تطبخ معكرونة وستها عم تعاونها بالطبخ، ومن دون حاضر ولا دستور فات الجد عالمطبخ وما كان من الست إلا انها اتخبت بالزاوية ولما أرب الجد من الطبخة سألها شو عم تطبخي فطلعت على ستها وهزتلها براسا وقالتلا ستي ازمئي يعني (اهربي)، ولما سمع الجد هالاسم صار يعيدو ومن وئتها مشي على طبخة المعكرونة اسم ستي ازمئي.
ومن الأصص الحلوة كمان إنو واحد كان متجوز وحده طرشة، وفي يوم من الأيام إجا عالبيت وكانت مرتو عم تطبخ وسألها بالإشارة شو عن تطبخي، وفهمت مرتو إنو عم يئلها عجلي فكتبت له على طبأ ورء يالا نجي يعني (سآتي حالاً) وجوزها أراها مع بعضها "يالانجي" ومن يومها مشي على هالطبخة اسم يالانجي.